Þetta snýst um Árborg

Traust og skilvirk stjórnsýsla er forsenda góðrar þjónustu við íbúa. Við viljum sveitarfélag þar sem ákvarðanir eru skýrar, gagnsæjar og byggðar á jafnræði. Markmiðið er að tryggja að fjármunir nýtist betur, þjónusta sé aðgengileg og ákvarðanir séu teknar á skýran og ábyrgan hátt. Ábyrg fjármál - minni álögur.

• Lækka fasteignaskatt á heimili og fyrirtæki
• Jafna leikinn, með einföldun á gjaldskrá sveitarfélagsins hvað varðar húsnæðisuppbyggingu
• Tryggja að fjármunir sveitarfélagsins nýtist betur með skýrri forgangsröðun og langtímamarkmiðum
• Einföldun ferla og að samskipti við sveitarfélagið séu skýr og aðgengileg
• Tryggja að skipulag, þjónusta og ákvarðanir taki mið af vexti sveitarfélagsins og breyttum þörfum íbúa
• Bæta upplýsingagjöf til íbúa og gagnsæi í ákvarðanatöku
• Tryggja jafnræði í stjórnsýslu og sköttum fyrir fyrirtæki og íbúa
• Ákvarðanataka sem varðar ungmenni og eldra fólk fari til umsagnar þeirra ráða
• Styðja markvisst við starfsfólk sem er í sí- og endurmenntun
• Tryggja að vellíðan starfsfólks sé hluti í allri stefnumótun

Atvinnulíf er grunnur að öflugu samfélagi. Í Árborg viljum við skapa umhverfi þar sem fyrirtæki geta vaxið, með skýru skipulagi, góðum innviðum og skilvirkri þjónustu. Mikilvægt er að fyrirtæki upplifi sveitarfélagið sem samstarfsaðila, ekki hindrun.

• Setja upp aðgerðardrifna atvinnustefnu fyrir sveitarfélagið í samstarfi við nærliggjandi sveitarfélög
• Lækka fasteignagjöld á atvinnuhúsnæði
• Hvetja til atvinnuuppbyggingar, jafna leikinn og afnema byggingaréttargjöld á fyrirtæki
• Efla atvinnulífið með því að kynna sveitarfélagið betur og kosti þess að flytja reksturinn í Árborg
• Vera leiðandi í ferðaþjónustu og hafa metnað til að gera Árborg að ferðamálamiðstöð Suðurlands
• Opna á samtal um fleiri opinber störf og stofnanir ríkisins til sveitarfélagsins
• Stuðla að auknum stuðningi við frumkvöðla og ný fyrirtæki í sveitarfélaginu

Sveitarfélagið fer með skipulagsvaldið og því mikilvægt að sveitarfélagið leiði skipulagsbreytingar í góðu samstarfi við einkaaðila. Staðargæði skipta máli til að tryggja lífsgæði íbúa nýrra hverfa til framtíðar.

• Markviss uppbygging innviða, leik- og grunnskóla sem og aðra þjónustu í þágu íbúa
• Aðlaga sorphirðu- og þjónustugjöld betur að þörfum íbúa með auknum sveigjanleika
• Tryggja stöðugleika í veitumálum í sveitarfélaginu og setja aukinn kraft í jarðhitaleit
• Stuðla að því að aðalskipulag Árborgar verði í stöðugri endurskoðun með tilliti til þróunar
• Framsókn í skipulagi með því að setja af stað svæðisskipulag fyrir alla Árnessýslu
• Tryggja að íbúar hafi góðan aðgang að náttúru og útivist og að uppbygging skipulags styðji við heilbrigt og gott líf
• Standa vörð um græn svæði og efla þau sem vettvang til útivistar og samveru
• Bæta, þróa og viðhalda leiksvæðum með áherslu á öryggi og aðgengi

Sköpum umhverfi þar sem öll börn og fjölskyldur hafa raunveruleg tækifæri til þátttöku, óháð búsetu eða aðstæðum.

• Þarfagreining verði grunnur ákvarðanatöku
• Skýr forgangsröðun og framtíðarsýn í uppbyggingu og viðhaldi mannvirkja
• Skoða framtíð íþróttasvæðis við Engjaveg í samstarfi við hagaðila
• Bæta íþróttaaðstöðu í íþróttahúsinu á Stokkseyri
• Tryggja að félagsmiðstöð verði starfrækt í öllum grunnskólum
• Efla vettvangsstarf til að ná betur til barna- og ungmenna í þeirra nærumhverfi
• Jafna aðgengi barna að frístundum óháð búsetu og aðstæðum
• Tryggja tómstundaakstur milli þéttbýliskjarna með starfsmanni
• Efla tækifæri ungs fólks til virkni í samstarfi við Elju virkniráðgjöf og fleiri aðila
• Hefja skipulag á uppbyggingu fjölskyldu- og samfélagsmiðstöðvar
• Tryggja vöxt og öryggi hestamennsku í samráði við hagaðila
• Styðja við uppbyggingu og þátttöku í fjölbreyttu íþrótta-, tómstunda- og frístundastarfi
• Hækka frístundastyrk og tryggja hann öllum börnum 0–18 ára

Markmiðið er að börn og fjölskyldur upplifi samfellda þjónustu sem styður þau á hverju stigi og að skólastarf í Árborg sé framúrskarandi og eftirsóknarvert.

• Stytta biðlista eftir leikskólaplássi með markvissri uppbyggingu
• Tryggja að starfsskilyrði kennara styðji við faglegt starf og farsælt skólasamfélag
• Móta skýra framtíðarsýn fyrir skólamál á Ströndinni
• Tryggja að skólastarf haldi í við vöxt og þróun samfélagsins
• Efla snemmtækan stuðning í leik- og grunnskólum
• Bæta úrræði fyrir börn með fjölbreyttar þarfir og ólíkan bakgrunn
• Efla forvarnir í skóla- og frístundastarfi með áherslu á vellíðan, geðheilsu og öryggi barna
• Styrkja samstarf skóla-, frístunda- og íþróttastarfs í þágu barna
• Tryggja foreldrum skýra upplýsingagjöf og aðgengi að stuðningi
• Bæta og jafna aðstöðumun milli stofnana sveitarfélagsins
• Bæta aðstöðu Setursins með uppbyggingu húsnæðis og þróun útisvæðis

Velferð er ein af grunnstoðum samfélagsins og snertir líf allra íbúa. Með markvissum aðgerðum, góðu samstarfi og skýrri sýn styrkjum við þjónustu sem mætir fólki þar sem það er statt og styður það áfram.

• Bæta aðgengi að stuðningi og tryggja að fólk fái aðstoð þegar hennar er þörf
• Tryggja að fjölskyldur fái stuðning og ráðgjöf samhliða þjónustu við börn
• Tryggja betri samfellu milli skóla, frístunda og velferðarþjónustu
• Tryggja að fatlað fólk hafi aðgang að þjónustu, stuðningi og tækifærum til þátttöku
• Stuðla að uppbyggingu búsetuúrræðis fyrir fatlað fólk með langvarandi stuðningsþarfir
• Nýta velferðartækni til að styrkja sjálfstæði íbúa og bæta þjónustu
• Vinna með atvinnulífinu að því að skapa tækifæri fyrir ungmenni með skerta starfsgetu
• Tryggja fagfólki góð starfsskilyrði og skapa starfsumhverfi sem styður við faglegt starf
• Efla og tryggja að samráðsvettvangur fatlaðs fólks hafi skýrt hlutverk
• Tryggja íbúum af erlendum uppruna fastan vettvang til áhrifa og þátttöku

Eldra fólk er stór og vaxandi hópur í Árborg sem hefur lagt mikið af mörkum til samfélagsins og á skilið þjónustu og umhverfi sem styður við góð lífsgæði.

• Tryggja fjölbreytta búsetukosti fyrir eldra fólk, með áherslu á öryggi, aðgengi, gæði og nálægð við þjónustu
• Tryggja gott aðgengi að skýrum upplýsingum um þjónustu, réttindi og félagsstarf
• Efla dagdvöl og félagsstarf sem styður við virkni og dregur úr einmanaleika
• Styrkja heimahjúkrun og stuðningsþjónustu þannig að fólk geti búið sem lengst heima
• Leggja aukna áherslu á forvarnir og heilsueflingu
• Tryggja góð starfsskilyrði fagfólks í þjónustu við eldra fólk
• Efla samstarf við félög eldri borgara og nýta þekkingu þeirra við stefnumótun
• Tryggja að öldungaráð sé virkur samráðsvettvangur

Menning og listir eru forsenda góðs samfélags, þær skapa líf, styrkja tengsl á milli íbúa og gera samfélagið að auðugu samfélagi fyrir íbúa og atvinnulíf.

• Tryggja aðgengi allra íbúa að menningu og listum
• Stuðla að fjölbreyttu menningarlífi með því að styðja við viðburðahald um sveitarfélagið
• Skapa betri aðstæður og rými fyrir listsköpun og viðburðahald
• Tengja menningu betur við skóla, frístundir og samfélagsstarf
• Gera fjölmenningu hátt undir höfði með því að styðja við fjölmenningarviðburði
• Setja á fót Menningarsjóð í Árborg
• Móta framtíðarsýn og finna raunhæfar lausnir fyrir menningarhús